Dr.Abdul,SDTT,MSc

tumah carito Si-Badun paja ketek nan manangih dumah sikola saghi, we-e sahinggo pandai mambaco je sikola e nyeh, kalaih ampek SD baghanti e sikola lai..


tumah iyo dek karano indak sikola dibawo e lah diughang jadi sitokar oto, lamo jadi sitokar lah pandai lo we-e manyupir. dek budi elok kulikaik e lai bayiak diambiak lah we-e dek pa Camaik jadi supir pribadi.

tigo tahun jadi supir pribadi camaik, sudah tu we-e pai maghantau ka Jakarta. Tibo di Jakarta baghaja manggaleh di Tanah Abang, mulai daghi tukang kantau sampai pandai manggaleh sughang.

wakatu taruih bajalan, duya baputa taruih, si-Badun kini lah jadi ughang kayo di Jakarta, dek karano pitih lah banyak Badun mambali umah di dakek kampus UIN, dakek kampus samo tahu je lah awak ughang sarjana bapangkek je sadowe nyeh mah, dek karano banyak ughang bapangkek disinan rata2 umah ughang pakai papan namo di mongko umah e, ado nan sapanjang tali baghuak gai gala e sabalun namo e... Ba-a rupo dek badan dighi si-Badun, sungguah pun awak ndak tamaik sikola, nan we-e tatap manggaya, diagiah e papan namo umah e, pakai gala lo lai tu, sahinggo katiko Ajo Kudin (abak siBadun) tibo di rumah inyo, takajuik abak e..

"wa-ang dima lo dapek gala doktor gai ko badun? eSeDe je wa-ang ndak luluih doh?" tanyo ayah si badun ka anak e..

"ehey yeh, abak katinggalan jaman tantu iyo, DR.ABDUL,SDTT,MSc tu apo kapanjangan e dek abak tu yeh?" jawab si-Badun

"kacek ang andia bana waden, lah jalah DR tu doktor kapanjangan e mah, aa kalau nan SDTT tu yo ndak jalaih dekden tu doh" kacek abak e

"salah abak tu, khusus untuak namo ambo kapanjangan Dr.Abdul,SDTT,MSc tu iyolah (Disiko Rumahnyo Abdul Sekolah Dasar Tidak Tamat, Mantan Supir Camat), ba-a gakti, lai suai abak tu"....nan kacek badun ka abak e..

"hahahahahahahahahaaaa....." mangakah galak paja tu baduo.


Salam Cinto sacinto-cintonyo
(^_^)
SYAIFUL PUTRA




NB: bia e lah kok carito ko carito manighu gai, nan pantiang ambo lah ado karajo.. ba-a gakti, lai suai tu?

Baca Juga Artikel Berikut: